Google Wave 1-Bots

استكمالا للهوس الجديد الخاص بالجوجل ويف ..كنت مفكر ان معظم اصحابى لما اقولهم ع اضافات الويف الجديدة زى الجادجت و الروبوت هيكون سهل انهم يكتشوفها لوحدهم لكن اعتقادى كان خطأ

لذا حبيت أوضح طريقة اضافة الاتنين دول للويف بتاعتك و هى الميزات اللى خلت الويف شكله مختلف  عن اى ميديا اتعاملنا معاها قبل كدة

أولا الروبوتس

bots

بتبقى تطبيقات الية بس فى هيئة عنوان أو  كونتاكت بيرسون  انت بتضيفه و بتكلمه و هو بيرد عليك و هكذا يكون التعامل بينكم

يعنى لو افترضنا زى الصورة كدة حبينا نضيف الروبوت بتاع ويكيبديا يبقى هنجيب الايميل بتاعه اللى هو

wikifier@appspot.com

و نضيفه لقائمة الاصدقاء عندنا 

بعد كدة 

بفتح معاه ويف جديدة و أكلمه و 

تتبع التعليمات من بعد كدة و تشوف الامكانيات بتاعت كل روبوت 

طبعا فى بوتس كتيرة كويسة و هنا ممكن تضيف جزء كبير منها 

1-wikifier@appspot.com  هنا ممكن وسط  محادثتك تسأل ويكيبديا عن أى معلومة أو تعريف كلمة و ترد عليك ف ساعتها 

تعليقى الشخصى ان الرد بيكون فى هيئة روابط  و كان نفسى يكون الرد فى هيئة مختارات من المقال او ع الاقل اول سطرين كان هيبقى أظرف

2- tweety-wave@appspot.com   للتعامل مع تويتر من الويف الخاصة بيك 

بس عيبه ان الفيد مش بيكون ف نفس الوقت قوى و اعتقد ده هيتلاشى مع النشخة الكاملة للويف 

3- cleantxt@appspot.com

ده مهم لو بتستخدم ويف عامة كتير و فيها ناس كتيرة و ممكن يكون فى سطور فاضية كتيرة فكل ما تستخدمه يضبط شكل الويف احسن 

4-polly-wave@appspot.com

و ده يعتبر من احسن البوتس اللى شفتها ممكن تصمم بيه أسئلة اختيارات ع مزاجك و تشوف أراء اللى معاك ف الويف

زى مثلا تحط اقتراحاتك لخروجة بكرة و كل واحد من اصحابك يرد باختيار 

حلو مش كدة ؟

5- bitly-bot@appspot.com
وده نفس فكرة ping.fm  بيختصر الينكات الطويلة جوه الويف الى لينكات صغيرة 


6- inbeddable@appspot.com


من الحاجات الجميلة الى ف الويف انك ممكن تحط صورة من ع الجهاز جوه المحادئة لكن بالنسبة للصور المرفوعة ع الشبطة فبتضطر تنزلهم و ترفعهم تانى زى البلوج القديم لكن مع البوت ده  هو بيحول الرابط اتوماتيك لصورة

اما عن الجادجيت فنكمل الحديث عنها ف تدوبنة قادمة بإذن الله