أسرع وأجمل " الإفييهات " على ضرب بوش بالجزمة

حوالى 65 تعليق على الحادث الاشهر فى نهاية 2008

انا عجبنى منهم

:)
الأمريكان يطورون الطائرات إف 16 إلى مقاس إف 45. -.
-اجتماع فى الرباط "لفك الجزمة" الحادة التى نشأت عن ضرب الرئيس الأمريكى.
-الفريق الطبى للرئيس بوش يعالجه من حادث الحذاء بجرعة "بنعل لين".
-الرئيس الأمريكى يسأل كونزاليس "كوتشى فين يا كوندى" وأنا بانضرب.
-تحويل الطريق أمام البيت الأبيض لـ "فردة واحدة".
-اجتماع دولى لرؤساء الدول "المحاذية" للعراق.
-الديمقراطيون يطلقون على الرئيس الأمريكى المخلوع "جورج شوز".
-خطاب بوش الأخير فى العراق كان "جازماً".
-"قالب" جديد للعلاقات الأمريكية العربية.
-أوباما يستعين بـ "نايك" وزير للخارجية نكاية فى بوش.
- أديداس تدرس توسيع استثماراتها فى المنطقة العربية.
-المنظمة العالمية للطاقة تمنع تخصيب اليورانيوم وتفصيلة الأحذية فى بوشهر.
-السفير الأمريكى بالعراق يضرب "بوذ" فى وجه المالكى.
-بوش يطلب من القاهرة نسخة من فيلم "حافية على جسر من الذهب".
-منظمة الأحذية العالمية "الفاو" تعلن رفضها للحادث.
-الشريط الكامل للحادث يذاع فى "أحذاء 24 ساعة".
-هيفا وهبى تنافس بأغنية "بوش الواوا".

الباقى هنا

هل جاء الأسود؟ قد جاء .. مكسوا ً لمعةِ أجرام ٍ فضية كي يُلمح .. متسلل من تحت الحجبِ الفرضية

من اجمل ما قرأت

قصيدة عهد النور

لصديقى محمود سامى

اضغط هنا

Marketing Essentials

my first Marketing Presentation

Marketing Essentials 1

View SlideShare presentation or Upload your own.

طوق الياسمين

نزار قباني

شكراً.. لطوقِ الياسَمينْ

وضحكتِ لي.. وظننتُ أنّكِ تعرفينْ

معنى سوارِ الياسمينْ

يأتي بهِ رجلٌ إليكِ..

ظننتُ أنّك تُدركينْ..

وجلستِ في ركنٍ ركينْ

تتسرَّحينْ

وتُنقِّطين العطرَ من قارورةٍ وتدمدمينْ

لحناً فرنسيَّ الرنينْ

لحناً كأيّامي حزينْ

قَدماكِ في الخُفِّ المُقَصَّبِ

جَدولانِ منَ الحنينْ

وقصدتِ دولابَ الملابسِ

تَقلعينَ.. وترتدينْ

وطلبتِ أن أختارَ ماذا تلبسينْ

أَفَلي إذنْ؟

أَفَلي إذنْ تتجمَّلينْ؟

ووقفتُ.. في دوّامةِ الألوانِ ملتهبَ الجبينْ

الأسودُ المكشوفُ من كتفيهِ..

هل تتردّدينْ؟

لكنّهُ لونٌ حزينْ

لونٌ كأيّامي حزينْ

ولبستِهِ

وربطتِ طوقَ الياسمينْ

وظننتُ أنّكِ تَعرفينْ

معنى سوارَ الياسمينْ

يأتي بهِ رجلٌ إليكِ..

ظننتُ أنّكِ تُدركينْ..

هذا المساءْ..

بحانةٍ صُغرى رأيتُكِ ترقصينْ

تتكسَّرينَ على زنودِ المُعجَبينْ

تتكسَّرينْ..

وتُدَمدمينْ..

في أُذنِ فارسِكِ الأمينْ

لحناً فرنسيَّ الرنينْ

لحناً كأيّامي حزينْ

وبدأتُ أكتشفُ اليقينْ

وعرفتُ أنّكِ للسّوى تتجمَّلينْ

ولهُ ترُشِّينَ العطورَ..

وتقلعينَ..

وترتدينْ..

ولمحتُ طوقَ الياسمينْ

في الأرضِ.. مكتومَ الأنينْ

كالجُثَّةِ البيضاءَ ..

تدفعُهُ جموعُ الراقصينْ

ويهمُّ فارسُكِ الجميلُ بأخذِه ..

فتُمانعينْ..

وتُقَهقِهينْ..

" لا شيءَ يستدعي انحناءَكَ ..

ذاكَ طوقُ الياسمينْ.. "

لسماع الاغنية بصوت ماجدة الرومى

اضغط هنا

القانون الفرنسى ...رواية صنع الله ابراهيم الجديدة

توقف القطار في الطريق فجأة وانطفأت أنواره. وأعلنت إذاعته عن عطل في الشبكة الكهربائية. وكررت الإذاعة الخبر. وبدا الانزعاج والقلق علي الركاب. وواصلت الإذاعة الإبلاغ كل بضع دقائق عن الموقف. ثم تحرك القطار وتوقف بعد قليل. وأعلنت الاذاعة عن إعداد سيارات لتقل الركاب من المحطة التالية إلي بعض الوصلات. ثم أعطت عنوانا يمكن للركاب الكتابة إليه للمطالبة بتعويض عن التأخير.

ابتسمت لنفسي وأنا أتابع ردود الأفعال- سواء من جانب الركاب أو قيادة القطار- بالنسبة لأمر يعتبر عاديا في بلادي

تنشر أجزاء منها تباعا على جريدة البديل

إضغط هنا

v for vandetta

…

" Writers and people who have command of words were respected and feared as people who manipulated magic. In latter times I think that artists and writers have allowed themselves to be sold down the river. They have accepted the prevailing belief that art, that writing are merely forms of entertainment. They're not seen as transformative forces that can change a human being , that can change a society. They are seen as simple entertainment, things with which we can fill 20 minutes, half an hour while we're waiting to die.

It is not the job of artists to give the audience what the audience want. If the audience knew what they needed, then they wouldn't be the audience. They would be the artist.

It is the job of artist to give the audience what they need."

Alan Moore.

je veux vivre ....عايز أعيش

أغنية للشاب فضيل ..... بعشقها لأنى سمعتها فى مكان بحبه جدا و لأنها بتخلينى افرح فى عز اكتئابى


حاولت اترجمها من الفرنسية للعامية المصرية لكن كما تعلمون معلوماتى فى اللغة الفرنسية زى معلوماتكم عن عدد أقمار المريخ !
عشان كدة لو لقيتم غلطات يا ريت تقولوا عليها


Je veux vivre, vivre
Bahri n'hich, n'hich

Je veux vivre pour manger touts les livres
Je veux vivre pour connaitre les enfants
De mes petits enfants, pour atteindre 100 ans
Pour atteindre 1000 ans, pour itre heureux et libre

Je veux vivre pour courir sur la grive
Je veux vivre pour embrasser mes rives
Pour embraser mes jours pour connaitre l'amour
Et les heures qui enivrent, je veux vivre



Je veux vivre toutes les joies de la terre
Je veux vivre et parcourir les mers
Je veux vivre pour sonner la planite
Sans en laisser une miette, je veux voir toutes les villes
Plonger de toutes les iles que leur ciel me dilivre



Je veux vivre pour avaler le monde
Je veux vivre de mondes qui frissonnent
De milliers de pays de millions de personnes
D'un milliard de ricit, je veux pouvoir les suivrent

Je veux vivre sans jamais m'assoupir
Je veux vivre sans jamais me trahir
Pour que chaque saison recolore mes passions
Pour divorer le temps qui cesse de me poursuivre


*************

عايز اعيش
عايز اعيش


عايز اعيش لحد ما اقرا كل الكتب
واعرف كل حاجة
اشوف كل احفادى
و احفاد حفادى كمان

عايز اعيش 100 سنة ..
لأ الف سنة
بس اكون فيهم حر و سعيد زى الطير

****

باغى نعيش ..عايز اعيش
واجرى تحت المطر و البرق
و احقق كل احلامى
عايز اعيش لحد ما اقابل الللى بحبها
واقضى معاها باقى العمر اللى فاتنا


****

باغى نعيش ..عايز اعيش
عايز اعيش و الف كل بحور الدنيا
ما اسيبش جزيرة ..الا و اشوفها
كل المدن هتبقى بتاعتى
مش هسيب منها حاجة

*******


عايز اعيش
عشان اسمع كل الحكايات
و اعرف قصص كل الناس
من كل حتة فى العالم


*******

هعيش من غير ما اندم على اللى فات
و افراحى هتلون كل أيامى
مش هخلى الوقت يهزمنى
انا لازم اعيش

********

ولما ييجى الموت
جايز يخطفنى
لكن
كل اللى انا عملته
هيعيش من بعدى

هعيش :)

ماذا نسمع الان ؟

عندما يكون بصحبتك صديق يتهمك بالغرابة لانك تسمع مارسيل خليفة و فيروز ... و يتولى هو شرح اغنية متخلفة لك بكل حماس ..هنا لابد من وقفة لنسترجع ما حدث

فى نهاية عام 2006 ...انتشرت جملة لحنية واحدة اتفق عليها المصريون من باب اللوق الى مارينا و من الواحات الى شرم الشيخ ( احمر ..اصفر .,.هو ايه ..العنب العنب ) ..كبارا و صغارا اصبح الكل يعرف ان هناك نشيدا وطنيا جديدا اسمه العنب ..اصبحت الاغنية معتمدة فى مناسبة او بدون مناسبة ..الافراح ..افتتاح شئ ما ...فى كل وسائل النقل تسمع الاغنية ..حولها سعد الصغير الى فيديو كليب ساهم فى انتشاره انتشار الدش و ووصلاته و ايضا العا..اقصد حركات الراقصة المثيرة بل و فيلم سينمائى ايضا من انتاج جزارين السينما السبكى فيلم ..لكن المثقفون امثالنا يعرفون ان الاغنية الاصلية ليست لسعد بل لعماد بعرور ( اسم مطرب فعلا ) و لهذا تبع السبكى بازعاجنا بالمطرب الاصلى ىف فيلم اخر و اغنية بنفس الاسم و هو أيظن و للناس القديمة ف اغنية ايظن كانت فى الاصل قصيدة لنزار قبانى مغناه بصوت نجاة ..لكن طبعا عند دخول بعرور فلا مجال لتذكر نجاة او غيرها من الاصوات ذات الشعبية المحدودة /:*&%

و كما هو مذكور قى سر الخلطة استعان بعرور براقصة اخرى ( لكن المرة دى محتشمة ) و هى مى عز الدين ..و انتشرت الاغنية اكثر من سابقتها العنب لنصبح نعيش فى علامة استفهام كبرى ..االادهى ان هناك تقليدات كثيرة ظهرت على وزن العنب نذكر منها على سبيل المثال ( السمك ..التفاح ... البرتقال ..الخضار ...الخ )

كان هذا بالنسبة للناس الهاى المحتكين فقط بالوسائل المرئية لكن فى نفس الوقت و على الصعيد الاكثر شعبية ( القصد هنا سواقين الميكروباصات ) اصبحنا نسمع ( اعتبره قلب و راح ..اعتبره قصر جراح ) غناء احد المغمورين و لكن السبب الحقيقى فى بروز الاغنية هو غناء سمية ( وقتها كانت لازلت مغمورة ايضا ) للاغنية و تشابه صوتها مع صوت شيرين ما اعطى للاغنية الشرعية المناسبة ( ولا شرعية حرب اكتوبر ) !!!!

هنا و يمكن اعتبار ما نتحدث عنه ظاهرة لحظية طالت او قصرت لكن المثير فى الامر ..اننا اصبحنا ننتظر بشغف ما سيأتى جديد من هذه الاغانى التى سميت ظلما شعبية ....اصبح الوضع مأساويا اكثر ..كل يوم اغنية جديدة ...و مع دخولنا عصر الداون لود و البلوتوث و الاف ام مديلوتر ..من العادى جدا ان تسمع اغنية مما اتحدث عنهم داخل سيارة فخمة تابعة لهيئة قضائية !!!

نسينا ان نتحدث عن التوك توك .فمع دخوله مصر ..اصبح هناك مصدرا مهما للفوضى فالبداية كانت مع الاغنية الجامدة جدا ( العبد و الشيطان ) خيث يعدد المغنى كيفية ارتكاب عدة معاصى و من ثم الدعو ةبعد ذلك الى كيفية الانتصار على الشيطان بالصلاة ربما هذا راجع الى انتشار المد الاصولى من الجهاديين فى العشوائيات و صعودا الى قناة الناس لكن المهزلة لم تنتهى بعد
فقد وصلنا الى سبب كتابة تلك السطور التى تقرأها الان ...البارحة و فى واحدة من اهم معالم الاسكندرية السياحية لم أسمع سوى جملة واحدة ( سيدى لى لى ...روحى لىلى ) و عندما سألت صديقى و بحثت عن اصل الاغنية وجدتها دعوة اخرى الى التوبة و البعد عن الضغائن ( انا هعيط من كتر التدين ) !!!!!

فى النهاية لابد ان اشير ان هناك الكثير من التخلف قادم لنمرح معه أو نصاب به ....ايهما اقرب

خالد العشرى

5/8/2008

تغريدة البجعة

نصحتنى صديقتى الأثيرة ايمان بقراءة الرواية منذ عدة أشهر لكن للأسف لم اتمكن من الحصول عليها الا بالصدفة من فرع دار الشروق فى سان ستيفانو مول ..قبل كدة دوخت على المحلات و نظرات الدهشة على وجه البائعين عند سماعهم الاسم ..تغريدة البجعة

فيما بعد عرفت ان الرواية لها شهرة كبيرة فى الوسط الادبى و انها مرشحة لجائزة بوكر العربية ( او فازت بها ) لكن انا الذى لست متاعبا جيدا .

تغريدة البجعة..فعندما تشعر بقرب نهايتها تذهب البجعة الى الشاطئ لتطلق تغريدتها الاخيرة و تموت فى صمت
البطل أيضا يقترب من نهايته حيث يجتر ذكريات عدة ..الحب ..الاصدقاء ..الاهل ..علاقته بالاجانب ... رؤيته لاطفال الشوراع و احتكاكهم به من خلال تصوير فيلم عن حياتهم ..يدرك ان حياته فارغة و ابتعد كثيرا عن ما كان يخطط لحياته مع حبه الاول ..كل هذا فى اسلوب ممتع

يشعرك بما ال اليه المجتمع من تدهور و سلبيات و تناقضات من ارتفاع المد الاصولى فى مصر حتى ان العاهرة ترفض اقامة علاقة مع من ليس على دين الاسلام !! و من الشيوعية الى الوهابية ينقلب حال احد الابطال فى مفارقة اخرى فقط ليشعر بقيمة النضال مرة اخرى وسط مجتمع فاسد.....انظر كيف يحكى عن حكمنا كمجتمع على المظاهر و لا شئ سواها
" فكريم لا يبدو مقززا ومنبوذا لمجرد أنه من أولاد الشوارع ، ومارشا الأمريكية لا تبدو مرغوبة ومشتهاه لمجرد أنها تملك شعرا أشقرا وجسدا بضا ، وعصام لا يبدو مخنثا أو شاذا لمجرد امتلاكه لشعر خلفى يعقده كذيل الحصان ............ بل إن الحياة كلها لا تبدو كما نراها بأعيننا"

أعجبتنى قصة سامنثا و عصام ...كل من التضحية التى قام بهال الطرفان تدغدغ كل الخلايا الرومانسية التى امتلكها .... جزئيات بسيطة يحكيها البطل ( مصطفى ) تجعلك تصاب بالقشعريرة ...بكيت عندما اخبرنى بكيفية موت امه و شعرت ان هذا من الجائز ان يحدث معنا كلنا ...بكيت اكثر عند حكاية هند ...كمية الاحداث مختلفة مع تنوع الشخصيات و كلها من جديد ترصد ما مررنا به و ما أل الينا به الحال بل و ربما ما نتجه اليه ايضاً

و انا فى منتصف الرواية وجدت انه من المؤسف وجود نهاية للكتاب كما لو اننى اتمنى ان يبقى البطل بجوارى طول حياتى ليحكى لى ماذا يحدث له و لمن حوله"

من غير كلام اكثر ....أنصحك بشدة أن تقرأها وتقولى رأيك

اغنية خليك معايا بس بكلمات معز مسعود

اليوم السابع | أول فتاة تقاوم التحرش: أنا مصدوم�

اليوم السابع | أول فتاة تقاوم التحرش: أنا مصدوم�

يخلق من اللحن اربعين ؟

نشيد الجيش الروسى البوليوشكا






كانو يا حبيبى .اغنية فيروز

يعنى الاقتباس يبقى بعقل انما مش كدة ..الرحبانية دول هيخلو الواحد يشك انهم معملوش لحن واحد فى حياتهم ..كله كوبى و باست

لو اعرف دى متصورة فين ؟

the Foot notes

Foot Notes

View SlideShare presentation or Upload your own. (tags: design inspirational)

كان فاضل

مش عايز بكرة يفوت و انا لسّه بموت و الليل عمّال يجرح

و الوحدة تزيد النار و تزيدني مرار و الحزن يبات يصبح

و مابين كدا او كدا مش مرتاح انا

خليني بقى كدا يمكن الهنا متداري في صبري عليك

عودة ايما !

ايما رجعت يا رجالة
ابوها و امها خطفوها و رجعوا بها ع لندن و الواد محمد فى السجن عشان امن الدولة اكيد بيعملوا معاه الواجب
هنا



اللى عايز يقرا الموضوع من الاول يتفضل هنا
البوست الاول

إنه فريد

قلبي و مفتاحه..
دل ملك ايديك..
ومساه و صباحه
بيسألني عليك..

كان حبك شمع في يوم عيدي..
وطفاه الدمع و تنهيدي
من يوم ما ايديك لمست ايدي..
و كأنك قلت يانار أيدي..
و مادام مشغول .
.مش كنت تقول يا حبيبي
دل القلب جراحه.
.من رمش عينيك
..ومساه و صباحه
بيسألني عليك..
..

أبطال نيجاتيف - 1 الجوكر

اليوم نبدأ الكتابة عن اهم الشخصيات التى شاهدناها على مر تاريخ السينما ..
سنبدأ بأحدث الوجوه المنضمة الى أبطال نيجاتيف انه الجوكر أيها السادة

الجوكر هو أشهر مجرمى جوثام سيتى و اكثرهم ذكاءاً و لمن لا يعرف فجوثام سيتى هى مدينة البطل المقنع بات مان ...هدف الجوكر المعلن هو القضاء على باتمان الا انه لا يتمنى حدوث ذلك لانه سيقضى على المتعة ...هناك هدف اخر فالجوكر يصر على اننا كلنا مجرمون فقط لو تم وضعنا فى الظروف المناسبة لذلك

الجوكر لا يهتم بالمال بل بالفن وراء الجريمة

وسط الفوضى فى احدى شوارع جوثام قابلنا الجوكر وجدناه مبتسما

و بادرنا بالسؤال " علام الجدية ؟ " Why so seriuos

و قبل ان نجيب عليه ..ٍيبتسم فى تلذذ لكى يخبرنا عن قصة اصابته بتلك الندوب التى جعلته لا يستغنى عن مكياجه الدائم ..فى كل مرة يخبرنا بقصة مختلفة تماما فقط ليرضى ساديته و ان كونه مجرما هو ما يعشقه فى تلك الوظيفة ..

بالطبع كما لاحظتم نتحدث تحديدا عن جوكر هيث ليدجر فى فيلم فارس الظلام ...الفيلم الذى حطم كل الارقام القياسية من حيث الايرادات و استحسان الجمهور ... احد اهم اسباب ذلك هو الشخصية السينمائية العجيبة ( بطل النيجاتيف ) الجوكر

عن أداء ليدجر للشخصية قالوا : انه من الصعب ان تعود بكل هذا إلى الجوكر فحسب ان الشخصية تتغلل الى اعماقك و تخبرك نكتة حزينة ثم تضحك عليها و بعد ذلك تتسائل عن سبب ذلك؟؟

مجلة "رولينج ستونز" حول الفيلم- إن أداء هيث ليدجر لشخصية الجوكر "جمع بين الجنون والغضب والبريق بشكل بارع للغاية".

من المعلوم ايضا ان هيث ليدجر مات فى يناير الماضى بسبب تناوله جرعة زائدة من المهدئات التي كان يصفها له أطباؤه. وكان ليدجر يبلغ من العمر عند وفاته 28 عاما _ اى قبل عرض الفيلم بستة اشهر فى مأساة زادت من هوس الجمهور بتلك الشخصية

للأسف لن يتكرر أداء ليدجر لهذه الشخصية الا ان فى الدقائق التى ظهر بها الجوكر ترك علامة لن تمحى من ذاكرة السينما

فى البيجو

فى البيجو .....ستشعر بالخلود ..لأن الطريق أبدا لا ينتهى

فى البيجو ....ستشعر بالاندهاش ..حيث الأجرة 5 جنيه و انت رايح و 6 جنيه و انت جاى !!!

فى البيجو ....ستشعر بالحميمية عندما يختلط عرق من بجوارك مع سعال الجالس خلفك فى مكان ما من جسدك

فى البيجو ....ستعرف معنى كلمة مطبات هوائية

فى البيجو ....لن تتضايق من التدخين ..لأن الهواء يسحب كل شئ للخارج

فى البيجو ....ستعيش التحدى ..كيف يمكن اشعال سيجارة وسط كل هذا الهواء


فى البيجو ....ممكن تعمل سيشوار لشعرك

فى البيجو ....ستقدر حالات المرضى بالتهاب المفاصل و تقوس الساقين

فى البيجو ....مستحيل ان تقوم بمكالمة تليفونية

كابتن هيما

فى بلد يتعمد قتل المواهب و باعتبار انخفاض القيمة فى مجتمع يعانى اكثر من نصفه من الفقر و الجهل و التخلف
نجد أشخاص بعينهم يحتكرون كل شئ يعملون اكثر من 7 وظائف فى حين ان هناك اكثر من 4 ملايين شاب عاطل

شخص كل مقوماته انه يمتلك زيادة من المال يعمل منتجا و لان اللعبة أعجبته يصبح كشافا للمواهب و زيادة فى التأكيد يصبح مخرجأ لكليباتهم حتى الان كل شئ الى حد ما مقبول خصوصا مع النجاح الساحق للنجوم التابعة له الراجع فى الاغلب الى كارزميتهم الخاصة بهم ..لكن الشئ الكارثى ان يقوم هذا االمنتج بكتابة الكلمات و التلحين و التوزيع و أيضا هندسة الصوت لمعظم أغانيهم و هنا نضع علامة استفهام ..هل هذا من أجل التوفير أم انها طبعة نرجسية من نوع فريد والاغرب هو خضوع النجم لكل هذا الاحتكار ...يعنى هو ناقص المنتج يغنى و يخلصنا بدل كل ده ..... المثير للسخرية ان نصر محروس ( المنتج ) قام فى اخر فيلم لتامر حسنى بكتابة القصة و هو شئ احسده على جبروته فى كتابة قصة رديئة بهذا الشكل و الادهى اخراج الفيلم باعتبار الفيلم ما هو الا كليب طويل شوية و بالطبع خرج الفيلم كجريمة سينيمائية


بعد كل هذا ..ليس الملام الوحيد ( بضم الميم ) هو نصر محروس
لكن الملام فعليا هو الجمهور الذى سيدخل الفيلم و يخرج معتبرا الفيلم رائع لانه شاهد تامر حسنى لمدة 90 دقيقة متواصلة ,

لو لم أكن كفراوياً !

حسنا هو اعتراف صغير لكن الحاجة اليه اصبحت ماسة .. دوما ع الانترنت لديك القدرة ع ان تجمل من صورتك و تخفى ما تشاء و تظهر ما تشاء ... كنت دوما اذا سألنى أحد عن مكانى كنت اجيب بلا تردد أسكندرية الا انه يجب ان اكف عن الكذب الابيض و اخبر الجميع الان و اننى من كفر الدوار و هى مدينة صناعية بالقرب من اسكندرية الا ان مظهر الامتعاض ع وجه من اخبره بتلك المعلومة دوما سبب لى شعورا بالخجل ..لم اخجل بعد الان ربم هو الشعور بالقرب من الرحيل عن اصلى و موطنى أو مجرد بعدى عنها لفترات طويلة نسبيا جعلنى اشتاق اليها

ذكريات لا تمحى ..تبديل قصص رجل المستحيل على سلالم عمارات الزقم ..عم حمدى و عربيته المتهالكة فى الصباح الباكر و اغنية حلاوة شمسنا ع الاذاعة قبل ما نروح المدرسة ..استذتى فى الفرنسيسكان اللى علمونى مع احترام الذات ..بعد كدة مدرسة صلاح سالم فى الثانوى و شقاوة النط من ع السور ..عم شفيق و الفلافل المعمولة بزيت 80 مع اللوليتا اللى بطعم الفراولة و الونها الصناعية المضروبة ... التمشية من جامع عبد المنعم رياض مع صديق عمرى لحد بيتزا ابو صبيحة نتكلم فى الفرق بين الرحبانية و عبد الوهاب و حبه لكانت و اعجابى انا بسارتر |.. الهويس و القعدة اللى تنسيك هموم الدنيا ..دورات الفيفا انا و سامى و مصكفى ..الدوخة على ماكينة تصوير فىى سيدى شحاته عشان يعقوب هو الوحدي اللى كان عنده الورق كامل .. الجنينة اللى قدام بيتنا الى كنت بشوف فيها طيور كتيرة بس خلاص راحت و بقى مكانها ابراج سكنية ... كوبرى 5 و عم ناجى بغلاسته و هو بيقول الاتوبيس ده طالع دولى مش سموحة و طبعا اوصل السكشن متأخر ..فؤاد ابو محمد و رغيف الحواوشى و بعده عصير قصب من عند الشيخ و تحس انك انبوبة جلوكوز ع وشك الانفجار ..القعدة ع سور المساعدين و مناقشة قرارات المستقبل اللى دايما بتطلع حاجة تانية خالص مش ع البال .. التمليك و بنات التمليك .. المساكن و اول مرة اخبط عربيتى هناك

... كل ده ما يخلينيش غير انى اطلب السماح من العزيزة كفر الدوار :)

كباريه السبكى فيلم

( مزة + مطرب شعبى + راقصة + كوميديان) زادت تلك العناصر أو قلت فهى الخلطة الاساسية التى تجدها فى اى فيلم يحمل بصمة السبكى فيلم ..فباعتبار خبرتهم الواسعة فى الحواوشى و سر الخلطة ..نجد انهم دوما يراهنون على ذلك السر فى افلاهم ....راجع معى على سبيل المثال افلام مثل حاحا و تفاحة . قصة الحى الشعبى ..لخمة راس ..

انها الدجاجة التى تبيض ذهبا لافلام السبكى ..لا شئ ذو قيمة فنية الا ان نجاحها ع مستوى الايرادات يثير التعجب ...الان و فجأة نجد ان السبكى يقدم فيلما جيدا ليس ب ( الناصر صلاح الدين ) الا انه فيلم يحمل رسالة ..فهل هذا بداية التحول ام مجرد تجربة عابرة ؟؟

فى كباريه هناك اكثر من مثل على تناقض ( نلاحظ فى تمثيل الكوميديانات لادوار تراجيدى و العكس ) يعيشه مجتمع مركب يحمل النقص بداخله مدعيا الفضيلة بالظاهر ..نجد بنت الحارة التى ترعى امها نهارا الراقصة ليلا ..من يمسك بيديه الاف الجنيهات يوميا و لا يجد لابنته مصاريف المدرسة ( اقوى تيمة فى الفيلم ) ..اكثر من تناقض بعضها جاء سخيفا مثل فؤاد حامد ( لاحظ الاسم ) مدير الكباريه الذى ورثه عن ابيه ( راجع فيلم العار ) و يديره بكفاءة الا انه لا يفوت فرض و يستعد للعمرة !ّ!

برغم الملاحظات القادمة ..احب الفت الانتباه ان الفيلم جيد و يستحق المشاهدة و لن تمل من الفرجة عليه عكس معظم افلام السينما الفترة اللى فاتت و تقييمى الشخصى له 7/10


هذه عدة ملاحظات ع فيلم كباريه كتبتها بسرعة بعد خروجى من السينما

• قصة محمد شرف كانت تحتاج الى تركيز ومساحة اكبر ..
• محمد لطفى لم يكن واضح بسبب بحة صوته و كان من الممكن اختيار عاهة اخرى
• لم أصبح محمود الجندى فجأة هو سفير الاصولية فى السينما المصرية ..هذا رابع فيلم اراه يحث فيه ع القتل مع اختلاف المبرر
• موسيقى تامر كروان معبرة بسلاسة عما يريده الفيلم وهو افضل عنصر موجود فيه
• المونتاج كان زى الزفت ,...قطع فى نص اللقطات و كتير بتاخد وقت عبال ما تعرف انت فين و مع مين
• فكرة ان الاحداث بتتم فى يوم واحد ما بانتش قوى و كان ممكن تقريبها بشكل افضل
  
• اخر حاجة فى احدى الحاورات بين الارهابى و امير الجماعة بيقوله جملة استفزتنى جدا ( الضرورات تبيح المحظورات
  ) فجأة بقى الارهابيين بيتبعوا كتاب الامير لمكيافيللى .. بس بعد مراجعة النفس لقيت العيب مش ع صناع الفيلم فى بلد ممكن بسهولة تقنع 90 % منه ان الجملة دى حديث شريف !!!!
  

ليه بسمع منير ؟؟

سؤال غريب مش كدة ..بس لاحظته فى احدى الكويز الموجودة فى الفيس بوك ..بس لو جيت اجاوب سؤال زى ده مش هعرف ابدأ منين فصوت منير من اهم مفردات عالمى الخاص جدا فلا يمر موقف الا واجد صوته ينبعث بأغنية ملائمة لما يحدث ..فبداية يومى استيقظ على ( المهنة بناضل بتعلم ..تلميذ فى مدرسة شعبية ) كى أنزل الى الحياة فمازال أمامى الكثير لأتعلمه ...أما عندما تبدا سحابة الكأبة المعتادة فى ان تلوح ( الدنيا لو جارحة لونها هنا و فرحة .ما هو ايخ بيطول عمر الواحد غير الفرحة ) فتنتهى تلك الغمامة فورا ..دوما أضع نصب عينى ( الفرصة بنت جميلة راكبة عجلة ببدال ..العاقل لو يلحقها يتبدل به الحال ) و لما احب اهرب من المشاكل اطلع بالعربية و اسمع ( لو تاه المرسى ..راح نرسى فى مينا . و يا مراكبى شد القلوع يا مراكبى ) و طبعا لو بطلت احلم أموت عشان هى رقصة شهية هى الحياة فيها العشوقية و المعشقة ..و طبعا شعارى لما احس باحباط انه لا انهزام ولا انكسار و لا خوف و لا حلم نابت فى الخلا ولو فى يوم راح انكسر لازم اقوم واقف كما النخل باصص للسما ..كمان انا بكره الشتا عشان كدة تلقينى بعلق حلمى ع الشماعة و الف لحاف الشتا من البرد و لو عرفتنى اكتر دايما تلاقينى بهرب من بيوت الحزن و اسكن بيوت الفرح و لما احب ببقى عارف انه لما النسيم يعدى بين شعرها أصرخ و املا الكون اهت و ان صوتها ارق من النيات و بحسد كل حاجة تحس بها و كمان عينيه الحلوين اللى احلى حاجة شفتها العين هى , و لما بحس بخنقة فى صدرى يبقى اكيد هفتكر ان البيت بيضيق و يضيق لكن انا قلبى براح
و فى النهاية أحب اقولك ان لو حد عايز قلب فاضى قلب طيب قلب هادى فأكيد أكيد لازم تسمع منير :))

مايو

شهر مايو دوما ما يحمل لى معانى الكأبة و السأم ..ملل انتظار الامتحانات ... كأبة المذاكرة و احباط ان كل ما تفعله لا طائل له ( اللى ذاكر ذاكر ) هكذا تردد امى تلك المقولة الخالد ة من ايام حمورابى... عندك عيد
ميلا د الريس بردو ف مايو ... نهائى ابطال اوروبا مبعرفش اتفرج عليه عشان بيجى فى مايو ..فى مايو السينمات مفهاش فيلم عدل يستاهل تمن افيشه حتى ..اللبس ف مايو دايما يبقى باقى لبس السنة اللى فاتت عشان مش عارف اشترى حاجة جديدة لسه ..الجو حر ع برد..عشان كدة كنت دايما بكره مايو ...لكن هذا المايو يختلف ..لقد قررت فجأة ان احتفل به و ان يصبح أول مايو
اعيش فيه حياتى بالطول و العرض و ان لا اتهرب من كل شئ كما اعتدت دوما ..اليك يا نفسى العزيزة قائمة بما فعلته من اشياء جديدة فى مايو 2008

* سقت عربية هيدروماتيك ..كنت دايما بخاف منها مش عارف ليه ..احب اشكر راتب صديقى النذل ع اتاحته الفرصة دى

* شربت بوريو و دى اول مرة اشربه و من يومها و انا مدمن عصير مكة

* جبت هاتريك فى ماتش كورة واحد ,,,بالمناسبة انا لاعب كرة فاشل جدا

* شفت اصحاب من ايام زمان كتير جدا من الكلية و المرسة و باجوش ..تقريبا مسبتش حد فى كونتاكت معاه الا و روحت قابلته

* عملت حاجة و كنت خايف منها ممووت بس الحمد لله عجبت الناس كلها

* نفس الحاجة دى كسبت عليها جايزة ..ميوة الجائزة دى انى مختارها بنفسى

* نسيت حاجة مهمة ..انهيت حالة من التردد حول حبى لانسانة معينة ..اى نعم القصة كلها فشلت ..بس ع الاقل عرفت ان انا بحبها

* اخدت خطوة ايجابية فى طريق الترقية للشغل

* شفت كل الحلقات اللى ناقصانى فى لوست و بكدة بقيت بتابعها زى اخواننا فى امريكا ..مفيش حد احسن من حد يا مرسى

* شربت بيناكولادا ..وحش قوى .... الزبادو اللى بطعمه احسن بكتير

* بدأت اجمع فى مكتبة افلام ع سى دى
و بدأت بالفيلم جميل نادى القتال Fight Club

*قرأت رواية كنت بدور عليها من زمن ..احدب نوتردام

* بخرج كل يوم مع مجموعة ناس مختلفة ..الروابط واهية لكن المصلحة ف الخروج و متابعة تصرفات الناس أقوى دافع

مقتطفات من أحدب نوتردام

أنك تتوهمين أنك أشقى مخلوقة على الارض ! لكنك لا تعرفين الشقاء بمعناه الحقيقى , أتعرفين ما هو الشقاء يا حبيبتى ؟ الشقاء ؟


الشقاء أن يحب الرجل إمراة لا تحبه , لا تشعر به , لا تشفق لحاله . لا تحس وجوده ! أن يريد الرجل التضحيه بحياته كلها لقاء ابتسامة من حبيبته و هى تنفر منه أو تهرب وتصد و لاتدرى ان صدودها طعنات للقلب الذى أحبها

الشقاء أن يكون الرجل قويا ذو كبرياء و جبروت ثم تذله امرأة تشعره بالضعف و الهوان امام فتنة عينيها و سحرها الطاغى و جمال وجهها ...الشقاء أن يشعر الرجل أنه ضحى بهنائه و سعادته من أجل إمرأة لا تقدر قيمته


الشقاء أن ينشطر الرجل الى عقل و قلب , العقل يلعن من يخون ... و القلب يعفو و يسامح رغم الألم و العذاب مع من يحب و يكن له الحب العظيم

Mix Tape

لو تعلمين - فيروز
و قد يجمعُ الله بين الشتيتين بعدما يظُنانِ كلُ الظنِ أن لا تلاقي

أحب من الاسماء - فيروز
لو تعلمين بما أجن من الهوى ***لعذرت أو لظلمت إن لم تعذري
لا تحسبي أني هجرتك طائعا ***حدث لعمرك رائع أن تهجــــري

يا جميل الصورة - داليدا
وقفنا ف قلب مراية ... بالبدلة و الفستان
و هاتنتهى الحكاية .. و احنا مالناش مكان
صبرت فى البداية ... و هاصبر للنهاية
دة الصبر عندى هواية ... و انا و انت و الزمان
عينيك - منير
يا أحلى حاجة شفتها العين انت
انت منايا ..فرحى و بكايا
انت كفاية ..انت انا
انت

خليك هنا - وردة
ضياع
بحس لما تكون بعيد معنى الضياع
ربك لما يريد - منير
هالاقيك بتقربلى
ولا فى بينا حدود

اشتقتلك - فيروز
رغم الحاصل من زمان
الوقت الكافى للنسيان
عزة نفسى كانسان
اشتقتلك
زورونى كل سنة مرة - سيد درويش
انا زارنى طيفك فى منامى قبل ما حبك
طمعنى بالوصل و سابنى و انا مشغول بك
وبينا ميعاد - عمرو دياب

uptown girl -Westlife

Ain't no sunshine when she's gone- Tom Jones

I wish you love - Natalie Cole
My breaking heart and I agree That you and I could never be So with my best My very best I set you free I wish you shelter from the storm A cozy fire to keep you warm But most of all when snowflakes fall
I wish you love
something stupid - frank sinatra
I can see it in your eyes that you despise
The same old lines you heard the night before......
And though it's just a line to you for me it's true......
And never seemed so right before

Greatest Hits

Best moments in my life

Inspired from the charlie's death episode in lost _ he knew that he would die soon so right his greatest hits ( best moments in his life ) in a piece of paper and gave it to her love Claire .... i think every one should do the same

* My best friend's wedding ( mostafa ) such happiness that your heart beats exceed the speed limits

* tunisia 2005 _ i knew the meaning of Dance joy

* when Egypt won Cote d'ivoire 4-1 in can 2008 .. i felt like nothing i want anymore in my life

* i won 1st place in connect 4 contest ( i know it's childish but it pleased me )

* Bagoosh 2000 _ mobile rang after no news for 5 long hours
and the news spread that I got the first place in high school graduation

* Answering a question ..nobody knows its answer ( confidential )

يا نوبى ..إيما بتدور عليك

الموضوع ببساطة ان فى بنت انجليزية اسمها إيما عندها 17 سنة كانت هنا فى مصر فى رحلة و اتعرفت على شاب اسمه حازم فى الغردقة خدت ايميله و بعد ما روحت بلدها فضلت تشيت معاه طبعا انبهرت ان فى شخص يفضل مفضى نفسه ليها عشان يقولها
i love u - i want marry u

بنت المجنونة أيما طقت فى دماغها انها تنزل مصر عشان تتجوز حازم و تعيش معاه و تجيب عيال و فعلا حوشت من فلوس قرض تعليمها تمن التذكرة و نزلت مصر و فجأة عمك حازم فص ملح و داب و طبعا ايما احتاست تلف عليه الغردقة كلها و دخلت سيبر عشان تبعتله ايميل و فجأة وقعت فى حب شخص تانى خالص هو مين ؟ ايوة صاحب السيبر النوبى أو محمد سعيد ( الشاب الأمور الموجود فى الصورة ) طبعا ملاحظين سر فتنته و جاذبيته الخاصة _ ده كفاية الشبشب يا جماعة ولا كيفن كوستنر يا أخواتى كمان فى حاجة مهما انه ما بيعرفش يتكلم انجليزى فكان هو وا يما بيقعدو مع بعض بس ع الاجهزة عشان يكتبلها بالانجليزى

دلوقتى الغى حازم من دماغك و ركز معايا فى اللى جاى طبعا النوبى ما صدق ان حتة القشطة دى حبته قام واخدها و معرفها على اهله على اساس انهم يتجوزوا و فى نفس الوقت اهل ايما كانوا بلغو البوليس انها مختفية ..يمين فى شمال البوليس الانجليزى عرف انها فى مصر و جابها و رجعها بلدها و طبعا الداخلية عندنا قامت بالواجب مع النوبى باعتباره خاطف قاصر و كمان أجنبية يعنى بيشوه سمعة مصر و خد اللى فيه النصيب _ اى نعم طلع بعديها براءة من النيابة بس كان خلاص زى ما انت عارف دخول الحمام مش زى خروجه

لحد كدة انت معايا - طب تمام - ايما رجعت لأهلها و خلاص ركزى يا بت فى دراستك و امتحاناتك _ و
طبعا اتعرفت بكذا شاب انجليزى لكن ما دخلوش دماغها ( عظيمة يا مصر و لا وجه للمقارنة ) و كانت كل يوم بليل كانت بتتخيل النوبى الفارس الشجاع اللى دخل السجن بسببها و طبعا كان قلبها كان بيتقطع فقامت طاقة فى دماغها تانى و نزلت الغردقة من غير ما تقول لحد _تااانى من الواضح ان ميكروباصات خط لندن الغردقة شغالة كويس _ على أساس ان هى ملهاش غير النوبى و النوبى ملهاش غيرها ..راحت الغردقة و قعدت فى السيبر مستنية النوبى انه يظهر
بعد 12 ساعة انتظار بدأت تسأل عليه ..طلع انه باع السيبر بعد ما خرج من السجن و مجاش الغردقة من ساعتها
!َ!!!!!!

احباط طبعا و لما سألو ايما هتعمل ايه ؟ قالت ان فلوسها خلصت لكنها قررت تشتغل اى حاجة فى الغردقة عقبال ما النوبى يرجع و كمان هى كملت 18 يعنى اهلها دلوقت ميقدروش يعملو معاها باعتبارها بكر رشيد ( عديها بكر عشان خطرى )

فلو حد فيكم عرف للنوبى طريق جرة يقولوا ان ايما بتدورعليك

نص القصة الأصلى من صحيفة الدايى ميل

أكبر تمثال فى العالم

و انا بقلب فى الويكيبديا شفت الصورة دى فى الاول فكرتها تمثال عادى االا انى لاحظت رقم غريب الطول 85 متر
لاحظ فرق الحجم بين الشخص الموجود عند قاعدة التمثال و حجم الصورة
غالبا ده اكبر تمثال ف العالم بعد ما اخواننا فى طالبان كسروا تماثيل بوذا بحجة ان هى اصنام

دمعة على جثمان الحرية - أحمد مطر

أنا لا أ كتب الأشعار فالأشعار تكتبني ،

أريد الصمت كي أحيا، ولكن الذي ألقاه ينطقني ،

ولا ألقى سوى حزن، على حزن، على حزن ،

أأكتب أنني حي على كفني ؟

أأكتب أنني حر، وحتى الحرف يرسف بالعبودية ؟

لقد شيعت فاتنة، تسمى في بلاد العرب تخريبا ،

وإرهابا

وطعنا في القوانين الإلهية ،

ولكن اسمها والله ... ،

لكن اسمها في الأصل حرية

1941 كوميديا بسبيلبرج

بمناسبة الحديث عن الأفلام المتهيسة ...هذا بالضبط ما يحدث عندما يخرج عبقرى مثل سبيلبرج فيلماً كوميديا



1941 Movie
الكثير من السخرية على الألمان و اليابانيين و الأمريكان أيضا ..شاهد كيف ضرب سبيلبرج بكل قواعد الكوميديا أنذاك ( الفيلم انتاج 1970 ) و اخرج فيلم أشِبه بأفلام الكارتون لكن بمشاهد حقيقية و هو عمل صعب جدا و اعتبره غاية فى الابداع

الكويز الكفراوى

هل هى كفر الدوار لأن الدوار أقيم من حوله كفر أم ان الكفر اصبح له دوار ؟
أذكر ثلاثة أوجه اختلاف بين الكوبرى العالى و الكوبرى الواطى ( بالذمة ده اسم كوبرى !!) ؟
لم سميت كل من ( السعرانية - السناهرة - الميزانة - لوقين ) بهذه الاسماء المتخلفة ؟
لما بتيجى تركب عوايد بتدور ع العشر قروش باقى الجنيه و لا بتطنش ؟ لو بتطنش يبقى انت مش كفراوى صميم
فى اى عام سيتم انتهاء تصليح الكوبرى ؟
2010 -2050- ***20
و بمناسبة التاكسى ايه هما اللونين الغاية فى التناسق و الابداع اللى مستخدمين فى التاكسيات فى كفر الدوار ؟
اذكر 3 مشاهير خرجوا من كفر الدوار ؟
ما هو نوع الزيت الذى يستخدمه عم شفيق و اعوانه فى قلى الفلافل ؟؟ زيت 90- زيت 80 - زيت الحرب العالمية الاولى

الام يرمز الSSSS ?
اذكر الاسباب التاريخية التى ادت الى رد عرابى للانجليز فى كفر الدوار و فشله فى ذلك فى التل الكبير ؟؟
قارن بين اضارب عام 1994 و اعتصام عام 2007 فى شركة مصر للغزل و النسيج ؟
بمناسبة الشركة ..متى كانت تربح تلك الشركة بحق الجحيم ؟
عودة الى الالوان ..اذكر الونين المشهورين بهم اتوبيسات الطلبة التاتا ؟
موسيقيا ..اثبت ان الاتوبيس التاتا ..هو الاصل التريخى لاغنية تاتا خطى العتبة !
بمناسبة الاتوبيس ..اثبت فى ما لا يقل عن صفحتان العلاقة التاريخية بين سائقى الاتوبيسات و اله الغباء عند الاغريق ...يمكنك الاستعانة بالالياذة و الاوديسة و صورة الفتيس

فيروزيات

برغم الحاصل من زمان

الوقت الكافي للنسيان

عزة نفسي كإنسان

إشتقتلك

يتيمة فى المقابر

لن أتكلم على استخدام ديلاكروا للظلال أو التشكيلات اللونية فهو ليس اختصاصى و يمكنك قراءة هذا الكلام فى مدونة العبقرى برومثيوس لوحات عالمية
كل ما سأقوله اننى اقضى وقت طويل محدقاً فى هذه اللوحة منبهرا بتصوير نظرة الاسى على وجه تلك اليتيمة فى المقابر و هى تنظر نحو السماء محطمة من أسى الماضى و فى انتظار بؤس الغد