Don't Move !

NON TI MUOVERE
فيلم أيطالى
انتاج 1994
اتفرج على تمثيلهم هما الاتنين
و إبكى !

عن التعليم و هابى جو لاكى

let me tell you about the education system.

- Oh, go on, then.
- It produces left brain prisoners.

- Do you know what that means?
- I do.

Well, I'll tell you. Our brain has two sides. The left brain and the right brain. The left brain... Keep going, keep going. The left brain is information, data. It's dead. The right brain is individuality. It's where the soul lies. And the education system, it works like this

- "I will give you a world view. And if you repeat my world view, if you reconfirm my world view, you will pass your exams and you will go higher and higher and higher and you will become a policeman, a magistrate, a lawyer, a general, a politician, and you will be happy and you will succeed.

But if you think for yourself, if you think outside of the box, then you will be unhappy and you will fail." That's how the education system works

Fight CLUB Trivia 1

دى شوية معلومات عن
fight club
ممكن تقراه حتى لو مشفتش الفيلم
مش هاحرق حاجة يعنى
-------------------------------------
المخرج ديفيد فينشر صور أكثر من 1500 بكرة أفلام ،وهو أكثر من ثلاثة أضعاف المعتاد لتصوير
فيلم مدته 120 دقيقة .

نيجى بقى لفكرة الرواية من الاساس جت ازاى لعمنا تشاك بولانيك ؟
كان طالع كامب و هناك حصلت مشادة مع ناس تانية و اتضرب فيها ضرب مبرح ..ألغريب انه لما رجع لشغله بعد كدة
محدش اهتم خالص بالجروح و لا سأله ازاى حصلت ؟؟ نفسير تشاك للموضوع ان زمايله ما أتجرؤش يسألوا لان موضوع زى ده
هيتطور لبدايات علاقة انسانية و هما محدش كان مهتم بحاجة زى كدة
فكرة العزل الاجتماعى societal 'blocking' هى اساس القصة

فى البروفات ..نورتون و بيت اكتشفوا انهم هما الاتنين بيكرهوا البيتلز الجديدة و عشان كدة فى المشهد اللى فيه تكسير العربيات بمضارب البيسبول ..أصروا ان احد العربيات
تكون بيتل جديدة ..كمان فى النسخة الدىفىدى هتلاقى نورتون بيشرح ليه بيكره العربية الجديدة ؟ لان الشباب ف السيتينات
كانت البيتل بالنسبة لهم رمز الحرية و بمرور الزمن شباب السيتنات بقوا مديرين التسعينات و هما اللى عادوا تشكيل الموديل الجديد لشباب النهاردة
كما لو ان الموديل القديم ملوش اى رمز ولا معنى ... وده بالضبط اللى بيقاومه الفيلم و صناعه :)

تايلر دردن (براد بيت) كان من المقرر أن يقرأ وصفة عملية حقيقية للمتفجرات محلية الصنع (كما يفعل في الرواية). ولكن للمصلحة العامة ، قرروا أن يقرأ وصفات مزيفة .

الكاتب تشاك بولانيك ذكر أن الفيلم طلع أحسن من الرواية بكتير .

برغم انه رفض انه يدخن فى فيلم
Rounders
الا ان نورتون وافق ع التدخين ف الفيلم ده

فى احدى المرات من تصوير المشاهد الخارجية ...رجل من السكان انزعج بشدة لدرجة انه بدأ يقذف الطاقم بزجاجات البيرة و مدير التصوير فعلا إتصاب


المشهد لما كانوا ..نورتون و بيت... بيضربوا كرات الجولف و هما سكرانين ....كانوا فعلا سكرانين


اسم الراوى ..نورتون ..من الحاجات المحيرة فعلا ..فى ناس بتقول ان اسمه جاك على اعتبار الجمل الشهيرة I'm jack's
لكن فى ناس بتقول ان ده مجرد لقرائته المقال ...المثير فى الامر ان كتالوج الفيلم اللى كان معمول ع نفس شكل كتالوجات IKEA
كان بيشار للشخص ده ع انه جاك وكذلك فى الدى فى دى و السكريبت ..ويقال انه اثناء تصوير الفيلم كان بيشار اليه بإسم روبرت !!!

قطعة الصابون الوحيدة المتبقية ممكن تشوفها فى فيلم Automatic (2001) ع انها قطعة فنية فى خلفية كادر احدى المشاهد ورا البطلة

اسماء المخبرين الثلاثة ف الفيلم هو الاسم الكامل لمؤلف فيلم
seven ..اللى اخرجه فينشر بردو .. و المؤلف ده ساعد فى سيناريو فيلمنا

The movie's line "The first rule of Fight Club is you don't talk about Fight Club" was #27 of "The 100 Greatest Movie Lines" by Premiere in 2007.
فكرونى اجيب القائمة الكاملة فى نوت تانية

نورتون صور الفيلم بعد ما خلص اميركان هيستورى اكس ..ده اللى خلاه يفد حوالى 20 باوند عشان يعرف يمثل الدور

ستارباكس ظهرت فى معظم المشاهد ..الا مشهد تدمير الكوفى شوب بالكرة الضخمة اعترضوا عليه ..عشان كدة هتلاقى ان الكوفى شوب ظاهر من غير اسم

بمناسبة ستارباكس ..فينسر فى انترفيو قال ان كل لقطات الفيلم اتصورت و فيها كوب ستارباكس الشهير

دور مارلا سينجر ..كانت الترشيحات بين ريز ويزرسبون و هيلين بونهام كارتر ...فينشر المخرج كان عايز هيلين بس فوكس كانت عايزة ريز و رأى فوك كان هيمشى لولا اعتذار
ريز عن الدور لانه كئيب زيادة عن اللزوم و انتهى فى ايد هيلين ..فى رأيى ان هيلين قامت بدرو عمرها فى الفيلم ده ..مش متخيل واحدة شقرا و دلوعة تعمل مارلا سينجر خالص


تايلر دردن ..جه اسمه من بطل رواية توبى تايلر ( عشرة اسابيع فى السيرك ) و دردن كان شخصية بتشتغل مع المؤلف و كان تم رفده من العمل للتحرش الجنسى
أما مارلا سينجر فمارلا كانت طفلة دايما بتضرب اخت المؤلف فى المدرسة




Marla Singer's phone number, 555-0134, is the same as Teddy's number in Memento (2000). It is also the same as the Hong Kong Restaurant in Harriet the Spy (1996), Eddie Alden's in Someone Like You... (2001) and a Mental institution in an episode of "Millennium" (1996/I).


ف التحضير للادوار ...نورتون و بيت اخدو دروس فى التايكوندو و الملاكمة ...كمان اتعلموا ازاى يعملوا صابون فعلا
براد كمان راح لدكتور الاسنان عشان تخلى سنته الامامية بالشكل ده


العمارة اللى كان ساكن فيها نورتون ف الفيلم كان عليها نفس شعار مدينة ويلمنجتون "a place to be somebody" ..المدينة اللى كانت فيها احداث
القصة الاصلية و اللى كان مقرر فيها تصوير الفيلم لولا ممانعة سلطات الولاية

الاسماء اللى استخدمها نورتون فى مجموعات الself-help groups ...معظمها متاخدة من فيلم كوكب القرود و الاخر لادوار مثلها روبرت دى نيرو فى افلامه
.. حلوة دى

مدينة ويلمينغتون فيها شارع اسمه
soap street فعلا

Annie Leibovitz

see it in a larger size
http://bitaites.org/wp-content/uploads/photos/2008/jul/01g.jpg

Julianne Moore, Jennifer Connelly, Gwyneth Paltrow, Naomi Watts, Salma Hayek, Jennifer Aniston, Kirsten Dunst, Diane Lane, Lucy Liu, Hilary Swank, Alison Lohman, Scarlett Johansson And Maggie Gyllenhaal

this amazing picture is taken by the famous photographer Annie Leibovitz

Best Animation for 2008

شاهدت الثلاثة أفلام المرشحة لأوسكار هذا العام عن فئة الرسوم المتحركة و هى بترتيب المشاهدة

1 ~Wall-E

"وال إى " إنتاج لتحالف ديزنى - بيكسار المشترك وهو تحالف أثبت نجاحا رائعا ... فالفيلم مرشح لستة جوائز أوسكار رغم كونه فيلم أنيمشاين إلا أنى لا اعتقد انه مجرد فيلم انيماشن و هو ما جعل منتجيه يحاربون من أجل إدخاله قائمة أحسن فيلم لهذا العام ( فيلم مش انيماشن ..يعنى ينافس ميلك و بنيامين بوتون ) لكن الاكاديمية كانت حازمة ف هذا الرفض
ف"وال إى " ما هو الا رد فعل طبيعى منك كمشاهد لكل ما كنت تراه و انت طفل ..فلا يوجد حوار ..انت تتابع ما يحدث فى نعومة و كانك تشاهد فيلم كارتون ممتع ببساطة ...عيناك ستدمع بالتأكيد فى عدة مشاهد حيث نرتبط جميعا لا شعوريا بوال إى مهما كانت أعمارنا و نشعر بأن مصيرنا ارتبط بمصيره بشكل ما
ولا يكتفى الفيلم بهذا بل يخبرك برسالة قوية و واضحة ....أيها البشر أفيقوا قبل ان تتحولوا الى مجرد أداة فى يد التكنولوجيا و ليس العكس "

الفيلم فى تقييمى الشخصى 8.5 من 10
وانا فوجئت انه وصل لرقم 39 فى قائمة ال
imdb الشهيرة

favorite quote :
AUTO: On the Axiom, you will survive.
Captain: I don't want to survive, I want to live!

2 ~Kung Fu panda

...الفيلم ممتع جدا و من بطولة أصوات جاك بلاك و انجيلنا جولى ...من انتاج دريم كاست ...عن باندا يعمل مثل والده فى بيع النودلز ( المكرونة يعنى ) لكنه يحب الكونج فو و يسعى لتحقيق حلمه بالانضمام للعظماء الاربعة فى تلك اللعبة .....فهل ينجح فى ذلك ؟
يبدو ان هناك بروتوكولا سريا يجب ان يتم إعطاء رسالة ما بداخل اى فيلم انيماشين....الرسالة هنا عن الحلم و انه مهما كنت من الجائز جدا تحقيق حلمك

تقييمى الشخصى 8 من 10

أضحكنى الفيلم و لم أمل منه لحظة واحدة و اعتقد انه سيكون منافس قوى لووال إى ..خصوصا بعد ما حدث فى جوائز ال annie awards
وهى الخاصة بافلام الانيماشين حيث اكتسح الباندا وفاز ب 11 جائزة فى حين خرج وال إى خالى الوفاض تماما ..فهل سيستمر تفوق الباندا أم يتم ترضية الالى فى لوس انجلوس ؟؟


Favorite Quote

Quit, don't quit? Noodles, don't noodles? You are too concerned about what was and what will be. There is a saying: yesterday is history, tomorrow is a mystery, but today is a gift. That is why it is called the "present."

3 ~Bolt

بولت فيلم مسل ..فقط لا غير ..لا يحمل فى طياته اى شئ ..مجرد فيلم عن كلب هوليوودى خارق يخرج للحياة فجأة ليكتشف انه بلا اى قوة خارجة ..مع بعض الطرفات هنا و هناك ...مضحك جدا فى نصفه الاول ...اشبه بالعادى فى نصفه الاخير ...الفيلم من انتاج ديزنى بس لوحدها...أعجبنى شخصية الهامستر و الحمام برغم ظهورهم القليل نسبيا ..فالفيلم مستحوذ عليه شخصية الكلب بولت بصوت جون ترافولتا

فى النهاية ..اتمنى لو يفوز وال إى بتلك الجائزة ..حتى ولو لم يفز بباقى الجاوئز المرشح لها داخل الاوسكار مثل احسن شريط صوت و احسن اغنية و الكلام الفاضى ده عشان بجد هازعل لو ما خدهاش :)

7 Pounds

بعد فترة انقطاع عن مشاهدة الافلام للانشغال فى بعض الوقت و لسد النفس فى الوقت الاخر مما ...قررت ان أبدأ بمشاهدة أفلام عام 2008 التى ظللت أجمعها طوال العام دون أن اشاهدها


بدأت بالفيلم الذى أتحدث عنه اليوم وهو فيلم

7 Pounds

لن أخبرك بأن الفيلم تحفة فنية أو رائعة من روائع الزمن ..بل وللمفاجأة سأخبرك انى أصبت بالملل الشديد عند مشاهدتى لأول نصف ساعة فى الفيلم ..و أعتقد أن الكثيرين فعلوا ذلك و قرروا عدم متابعة باقى الفيلم

لكن ما الذى جعلنى أرجع و استكمل باقى الأحداث ؟؟ إنها طريقة ترتيب المشاهد فهناك شئ ما يخبرك أن الترتيب غير منطقى و أن عليك ان تكمل المشاهدة حتى النهاية حتى تستطيع أن تربط ما يحدث...فكل الشماهد تجمع بين ( بين طوماس ) محضل الضرائب و أشخاص مختلفين دون أن تدرى ما الصلة بينهم

أداء ويل سميث أكثر من رائع فهو يبدل الشخصيات بطريقة مختلفة كل مرة فمن عالم ينقذ البشرية الى بطل خارق مثير للشفقة إلى دور رجل بسيط أقدم على شئ خطير فى فيلمنا هذا و يستحق عليه 10 من 10

الفيلم كل فكرته فى إخراجه و المونتير اللى عمل قطع للمشاهد بالشكل المستفز للتفكير و اللى يخليك مستنى النهاية بشوق قوى ..
.المخرج هوGabriele Muccino

من الواضح إن فى تفاهم ما بين ويل سميث و بينه يخلى ويل سميث يعمل فيلم بالشكل ده مختلف عن معظم أدوار الأكشن اللى بانى عليها معظم جمهوره و هو أيضا مخرج فيلم اخر لسميث
the pursuit of happyness

تقديرى الشخصى له 7.5 من 10

للتحميل من هنا و هنا

أبطال نيجاتيف - 1 الجوكر

اليوم نبدأ الكتابة عن اهم الشخصيات التى شاهدناها على مر تاريخ السينما ..
سنبدأ بأحدث الوجوه المنضمة الى أبطال نيجاتيف انه الجوكر أيها السادة

الجوكر هو أشهر مجرمى جوثام سيتى و اكثرهم ذكاءاً و لمن لا يعرف فجوثام سيتى هى مدينة البطل المقنع بات مان ...هدف الجوكر المعلن هو القضاء على باتمان الا انه لا يتمنى حدوث ذلك لانه سيقضى على المتعة ...هناك هدف اخر فالجوكر يصر على اننا كلنا مجرمون فقط لو تم وضعنا فى الظروف المناسبة لذلك

الجوكر لا يهتم بالمال بل بالفن وراء الجريمة

وسط الفوضى فى احدى شوارع جوثام قابلنا الجوكر وجدناه مبتسما

و بادرنا بالسؤال " علام الجدية ؟ " Why so seriuos

و قبل ان نجيب عليه ..ٍيبتسم فى تلذذ لكى يخبرنا عن قصة اصابته بتلك الندوب التى جعلته لا يستغنى عن مكياجه الدائم ..فى كل مرة يخبرنا بقصة مختلفة تماما فقط ليرضى ساديته و ان كونه مجرما هو ما يعشقه فى تلك الوظيفة ..

بالطبع كما لاحظتم نتحدث تحديدا عن جوكر هيث ليدجر فى فيلم فارس الظلام ...الفيلم الذى حطم كل الارقام القياسية من حيث الايرادات و استحسان الجمهور ... احد اهم اسباب ذلك هو الشخصية السينمائية العجيبة ( بطل النيجاتيف ) الجوكر

عن أداء ليدجر للشخصية قالوا : انه من الصعب ان تعود بكل هذا إلى الجوكر فحسب ان الشخصية تتغلل الى اعماقك و تخبرك نكتة حزينة ثم تضحك عليها و بعد ذلك تتسائل عن سبب ذلك؟؟

مجلة "رولينج ستونز" حول الفيلم- إن أداء هيث ليدجر لشخصية الجوكر "جمع بين الجنون والغضب والبريق بشكل بارع للغاية".

من المعلوم ايضا ان هيث ليدجر مات فى يناير الماضى بسبب تناوله جرعة زائدة من المهدئات التي كان يصفها له أطباؤه. وكان ليدجر يبلغ من العمر عند وفاته 28 عاما _ اى قبل عرض الفيلم بستة اشهر فى مأساة زادت من هوس الجمهور بتلك الشخصية

للأسف لن يتكرر أداء ليدجر لهذه الشخصية الا ان فى الدقائق التى ظهر بها الجوكر ترك علامة لن تمحى من ذاكرة السينما

كابتن هيما

فى بلد يتعمد قتل المواهب و باعتبار انخفاض القيمة فى مجتمع يعانى اكثر من نصفه من الفقر و الجهل و التخلف
نجد أشخاص بعينهم يحتكرون كل شئ يعملون اكثر من 7 وظائف فى حين ان هناك اكثر من 4 ملايين شاب عاطل

شخص كل مقوماته انه يمتلك زيادة من المال يعمل منتجا و لان اللعبة أعجبته يصبح كشافا للمواهب و زيادة فى التأكيد يصبح مخرجأ لكليباتهم حتى الان كل شئ الى حد ما مقبول خصوصا مع النجاح الساحق للنجوم التابعة له الراجع فى الاغلب الى كارزميتهم الخاصة بهم ..لكن الشئ الكارثى ان يقوم هذا االمنتج بكتابة الكلمات و التلحين و التوزيع و أيضا هندسة الصوت لمعظم أغانيهم و هنا نضع علامة استفهام ..هل هذا من أجل التوفير أم انها طبعة نرجسية من نوع فريد والاغرب هو خضوع النجم لكل هذا الاحتكار ...يعنى هو ناقص المنتج يغنى و يخلصنا بدل كل ده ..... المثير للسخرية ان نصر محروس ( المنتج ) قام فى اخر فيلم لتامر حسنى بكتابة القصة و هو شئ احسده على جبروته فى كتابة قصة رديئة بهذا الشكل و الادهى اخراج الفيلم باعتبار الفيلم ما هو الا كليب طويل شوية و بالطبع خرج الفيلم كجريمة سينيمائية


بعد كل هذا ..ليس الملام الوحيد ( بضم الميم ) هو نصر محروس
لكن الملام فعليا هو الجمهور الذى سيدخل الفيلم و يخرج معتبرا الفيلم رائع لانه شاهد تامر حسنى لمدة 90 دقيقة متواصلة ,

كباريه السبكى فيلم

( مزة + مطرب شعبى + راقصة + كوميديان) زادت تلك العناصر أو قلت فهى الخلطة الاساسية التى تجدها فى اى فيلم يحمل بصمة السبكى فيلم ..فباعتبار خبرتهم الواسعة فى الحواوشى و سر الخلطة ..نجد انهم دوما يراهنون على ذلك السر فى افلاهم ....راجع معى على سبيل المثال افلام مثل حاحا و تفاحة . قصة الحى الشعبى ..لخمة راس ..

انها الدجاجة التى تبيض ذهبا لافلام السبكى ..لا شئ ذو قيمة فنية الا ان نجاحها ع مستوى الايرادات يثير التعجب ...الان و فجأة نجد ان السبكى يقدم فيلما جيدا ليس ب ( الناصر صلاح الدين ) الا انه فيلم يحمل رسالة ..فهل هذا بداية التحول ام مجرد تجربة عابرة ؟؟

فى كباريه هناك اكثر من مثل على تناقض ( نلاحظ فى تمثيل الكوميديانات لادوار تراجيدى و العكس ) يعيشه مجتمع مركب يحمل النقص بداخله مدعيا الفضيلة بالظاهر ..نجد بنت الحارة التى ترعى امها نهارا الراقصة ليلا ..من يمسك بيديه الاف الجنيهات يوميا و لا يجد لابنته مصاريف المدرسة ( اقوى تيمة فى الفيلم ) ..اكثر من تناقض بعضها جاء سخيفا مثل فؤاد حامد ( لاحظ الاسم ) مدير الكباريه الذى ورثه عن ابيه ( راجع فيلم العار ) و يديره بكفاءة الا انه لا يفوت فرض و يستعد للعمرة !ّ!

برغم الملاحظات القادمة ..احب الفت الانتباه ان الفيلم جيد و يستحق المشاهدة و لن تمل من الفرجة عليه عكس معظم افلام السينما الفترة اللى فاتت و تقييمى الشخصى له 7/10


هذه عدة ملاحظات ع فيلم كباريه كتبتها بسرعة بعد خروجى من السينما

• قصة محمد شرف كانت تحتاج الى تركيز ومساحة اكبر ..
• محمد لطفى لم يكن واضح بسبب بحة صوته و كان من الممكن اختيار عاهة اخرى
• لم أصبح محمود الجندى فجأة هو سفير الاصولية فى السينما المصرية ..هذا رابع فيلم اراه يحث فيه ع القتل مع اختلاف المبرر
• موسيقى تامر كروان معبرة بسلاسة عما يريده الفيلم وهو افضل عنصر موجود فيه
• المونتاج كان زى الزفت ,...قطع فى نص اللقطات و كتير بتاخد وقت عبال ما تعرف انت فين و مع مين
• فكرة ان الاحداث بتتم فى يوم واحد ما بانتش قوى و كان ممكن تقريبها بشكل افضل
  
• اخر حاجة فى احدى الحاورات بين الارهابى و امير الجماعة بيقوله جملة استفزتنى جدا ( الضرورات تبيح المحظورات
  ) فجأة بقى الارهابيين بيتبعوا كتاب الامير لمكيافيللى .. بس بعد مراجعة النفس لقيت العيب مش ع صناع الفيلم فى بلد ممكن بسهولة تقنع 90 % منه ان الجملة دى حديث شريف !!!!
  

1941 كوميديا بسبيلبرج

بمناسبة الحديث عن الأفلام المتهيسة ...هذا بالضبط ما يحدث عندما يخرج عبقرى مثل سبيلبرج فيلماً كوميديا



1941 Movie
الكثير من السخرية على الألمان و اليابانيين و الأمريكان أيضا ..شاهد كيف ضرب سبيلبرج بكل قواعد الكوميديا أنذاك ( الفيلم انتاج 1970 ) و اخرج فيلم أشِبه بأفلام الكارتون لكن بمشاهد حقيقية و هو عمل صعب جدا و اعتبره غاية فى الابداع

2001:space Odysseyٍ

حتى لحظة كتابة هذه السطور لم أشاهد الفيلم برغم من اننى من عشاق ستانلى كويبريك الا ان الحظ لم يحالفنى حتى الان
كنت قد قرأت الرواية مترجمة فى سلسلة روايات مصرية للجيب لد.أحمد خالد توفيق الغنى عن التعريف الرواية شيقة و مثيرة جدا تبدأ من عصور ما قبل التاريخ و كيف كان يعيش الانسان قبل تعلم الصيد حتى عصر مابعد غزو الفضاء حيث العيش فوق القمرو السفر الى زحل شيئا بديهى فى عام 2001 ( الرواية كتبت عام 1968 ) الأهم من ذلك هو الانسان ( الرائد بول ) و هو يتنقل عبر اثير الفضاء ليرى كم ان الانسان ضئيل فى بحار هذا الكون و صعوده و تحوله الى طيف كونى اسمى من هموم البشر على كوكب التافهين المدعو الأرض

فى شقة مصر الجديدة

مازال محمد خان قادراً على ان يمتعننا - مخرج يحكى لك الحكاية فى سلاسة متناهية و يمتعك لانه يدرك ان السينما فن قبل ان تكون صناعة
مخرج يهتم بأدق التفاصيل ( كوب القهوة - خط الموبايل و غيرها ) و لا يترك منها واحدة خارج اطار الحكاية فقط عندما يتبادر الى ذهنك سؤال عن تفصيلة ما تجد الاجابة فى اللقطة التالية لسؤالك
مخرج يحترم عقلك و لا يترك شيئا يندرج تحت شعار " المخرج عايز كدة " لا ابدا كل شئ محكوم و منسوج بدقة

"فى شقة مصر الجديدة " هو اخر افلام هذا الفنان و الذى يحمل رقم 21 فى مسيرته الفنية

الفيلم تدور احداثه فى جو لطيف تنسى خلاله كل همومك و تتفاعل مع البطلة اثناء بحثها عن ابلة تهانى صديقاتها بالمراسلة و مدرستها فى الصغر التى اقنعتها بأن الحب الحقيقى هو الحب الذى تجد فيه النصف الاخر و المتطابق مع روحك فى زمن اصبح الزواج فيه لمجرد الزواج فقط و ربما يأتى الحب بعد ذلك و ربما لا و فى خلال بحثها ينسج لنا حكايات اخرى فى نسيج محكم يطل به على العديد من الاجتماعيات ( عم عيد سائق التاكسى _ ولادة فى محطة مصر - بيت للمغتربات و ما يحدث داخله )

هذا الفيلم اعتبره من اوائل الافلام العربية الجادة و التى تندرج تحت طابع الرومانسية الكوميدية romance comedy

غادة عادل ادت دورها باقتدار فى دور الفتاة البسيطة المؤمنة بالحب و لا اعتقد ان غيرها كان سيؤدى مثل اداءها اما خالد ابو النجا فكان عاديا مثله مثل باقى ادواره لا اجد اختلافا بينها اما احمد راتب برغم ظهوره فى لقطات قليلة الا انه اثر فى شخصيا و مازلت حتى الان افكر فى الشخصية التى اداها

الترالير ظلم الفيلم كثيرا فانا اعتبره من اسخف الاعلانات التى رايتها هذا العام و الفيلم به اشياء مختلفة و كثيرة عن مجرد التساؤل حب و لا عفاريت

النهاية جاءت مختلفة فليست التقليدية و زواج البطل و البطلة و لكنها فى نفس الوقت مفتوحة و جميلة و تجبرك على الابتسام

موسيقى تامر كروان مازلت معبرة و اعجبنى كثيرا كيفية استخدام صوت القطار

لا اعرف ان كانت الشركة المنتجة ستقوم باصدار ساوندتراك للفيلم ام لا لكن الاغانى المستخدمة فى الفيلم تستحق ان تجمع فى البوم و ربما افعلها اذا اسعفتنى الذاكرة

حين مسخرة

يعتذر خالد يوسف فى نهاية فيلمه حين ميسرة عن عدم قدرته ع نقل الواقع بشكل كامل للفيلم ليس لأن الفيلم مبالغ فيه بل لأن الواقع أكثر قسوة و هو ما سيختلف معه الكثير من الجمهور الذى اغلبه يعيش فى مصر بتاعتهم ( راجع كتابات بلال فضل ) و الذى لا يدرى بأن هناك أناس تنام من غير اكل و انهم يتسوقون من مقالب القمامة و يعيشون فى عشش و ان هناك اطفال شوارع من الاصل

فئة قليلة هى من ستستوعب و تتأثر بالكامل بتلك الشحنة الواقعية جدا الغارقة فى هموم البلد
يبدأ الفيلم فى مقدمات العشوائيات لنعرف اننا سنعيش طوال ساعتان فى تلك المناطق التى تشكل نسبة كبيرة من مصر بتاعتنا و مثل القصص القصيرة ندخل على الابطال فورا و بايقاع سريع عليك ان تكتشف من هم و ما هى صلاتهم ببعض و ان كان بعد ذلك ستركز على ما يعانوه بغض النظر عن من هم ...فالاحداث هى البطل و ليس عادل حشيشة أو من حوله
عمرو عبد الجليل يكشف عن مواهب مدفونة فهو كان فاكهة الفيلم و استطاع ان يضحك الجمهور برغم من كمية الغم الهائلة التىذكرنا بها يوسف - وان كان بكانى فى لقطة ( احنا طول عمرنا مش باينين لا للحكومة و لا لأى حد )
مشهد النزاع حول غوايش الأم أدته هالة فاخر بعبقرية منقطعة النظير
أين كانت تلك الممثلة _ بالله عليك مش حاجة تجن لما دى تبقى صف تانى لعديمى الموهبة من امثال الهام شاهين و نادية الجندى فقط لانهم يعرضون لحما أكثر :(


فى لقطة اعتقد كتير مخدش باله منها ساعة القمة العربية لما كان الشاب اللى لسه راجع من العراق و معاه القرد قاع بيتفرج و كل شوية يبص للقرد يمكن يكون فاهم حاجة
جامدة مووت من خالد يوسف وتلميح من الصعب انه يتلقط ام ان ده مجرد صدفة و انا بتوهم


تقطيع الرقصة مع التعذيب او فلنسمها رقصة التعذيب كالنت هايلة خصوصا مع الموسيقى و حركات جسم كل من سمية الخشاب و اسرة عادل ..قد ايه فى انحدار سواء كان للفقر او لفسق الاغنياء

الفيلم به الكثير من الاباحية و الالفاظ الخارجة كما لو ان خالد يخرج لسانه لمن يدعى السينما النظيفة و يقول ان الواقع ليس نظيف حتى نغسله قبل تقديمه ع الشاشة

رسالة للمونتير : لم يكن هناك كوبرى ستانلى فى 1993 و التوك توك ددخل مصر فى 2006 مش فى 2003
عائلة رضا ( الاخوات البنات ) تم تغيير سنهم فى مشهد و بعدين رجعم تانى لنفس السن فى المشاهد التالية !


خالد يوسف فعلا مخرج متميز جدا و من هذا الفيلم اصبحت من المعجبين به بعد ان كنت غاضب عنه لنهاية ويجا الهزيلة و ضع فالفيلم بشكل عام ........وجدت مخرج اخر فى حين ميسرة

النهاية كانت مفتوحة فى انتظار رد فعل المشاهد لما شاهده فالحل يكمن فى يديك وليس عند المخرج

ساوندتراك" فى شقة مصر الجديدة

اغنية الفيلم
يا مسافر بورسعيد شادية @
امانة عليك يا ليل طول
انا قلبى دليلى
فات الميعاد
يا مسافر وحدك @
سحر عيونه
روحى يا روحى @
اغنية لعبد الحليم
ليلى مراد
my all mariagh carry