Happy New Year

اندفع صوت ابن عمى فى الموبايل ليخبرنى ان كل سنة وانا طيب بمناسبة السنة الجديدة, فى الحقيقة انا مكنتش واخد بالى و رديت كام رد اهبل
يدل على بلاهة منقطعة النظير و ده خلانى افتكر انى باقالى 8 سنين معرفش الفرق بين خمسة و ستة ..كل الايام شبه بعضها يمكن عشان كلها كانت سنين مذاكرة ثانوى و كلية و مكانتش بتفرق و كنت بعرف فى اللجنة بس ان التاريخ اتغير او يمكن لان انا من بلد هادئة و مفيش احتفالات نيو يير عندنا هو يدوب اخواتنا المسيحيين يروحوا الكنيسة اللى جنبنا و ع 12 البلد تنام

كل الى فاكره عن رأس السنة يوم ما كنا فى المجر و نزلنا الشارع و احتفلنا مع باقى الناس كله فى الميدان و الوان كتيرة و زمامير و العاب نارية و تانى يوم صحيت لقيت هدية متغلفة بابا نويل باعتهالى ( دلوقت بقيت ببص ع باب نويل ع انه رمز استعمارى - الله يخرب بيت الناصريين ) المهم و كان فى لعبة تحت الشجرة كنت اختار رقم و حسب الرقم يطلعلى يا شيكولاتة او بوبون و انت و بختك _ ايامها كنت مبخت و بكسب حاجات عدلة

يلا كل سنة و انتم طيبين مع انها مش فارقة كتير احمد زى الحاج احمد

who ?

كان يوم شتا
وكلنا واقفين فى مدخل مبنى صيدلة القديم
كان ايامها الموبايل اللى بيشغل اغانى حاجة وهم
مفيش غير صوتها و صوت المطر
Anyplace is better
Starting from zero got nothing to lose
Maybe we'll make something
But me myself I got nothing to prove

و لقد تساءلت
who is she ?

2008

كعادتى فى التهييس
ها هى توقعات 2008

1موت الرئيس مبارك ..التلفزيون ينقل حزن الناس من كل محافظات مصر ...مقالات عن الظرف العصيب التى تمر به البلاد ...تولى صفوت الشريف الرئاسة حتى قيام انتخابات ...الحزب الوطنى يجتمع لاختيار مرشح للرئاسة ...اعتقالات بالجملة للاخوان ولكل من يفكر فى ان يقول لا للتوريث ....فى مفاجأة غير متوقعة الحزب يرشح جمال مبارك للانتخابات .... النخبة المثقفة يدور فى اروقتها ان تنتظر ما سيفعله جمال مبارك ( ربما نتغير للاحسن مش شاب ذكى و مثقف و طموح ) .............فى انتخابات حرة نزيهة و نظيفة تماما بشهادة احمد عز و محمد كمال ( ايه مش عاجبينك ) يفوز جمال مبارك برئاسة مصر لمدة 5 سنوات

2 هيلارى كلينتون تفوز برئاسة امريكا وسط متابعة من العالم أجمع

3 حرب أهلية فى باكستان بعد اعلان فوز برويز مشرف فى الانتخابات مشكوك فى صحتها و سط استهجان دولى

4 مشكلة لبنان تضل عالقة مع اصرار المعارضة على استقالة السنيورة و حكومته برغم اختيار رئيس جديد للبلاد

5 فى نهاية فترة بوش احتمال كبير توجيه ضربة الى ايران ( مش شرط تكون عسكرية)

5 خروج مصر فى مفاجأة للمصريين ( حاملى اللقب ) من الدور الأول فى غانا 2008 و اقالة حسن شحاتة لانه اتضح فجأة انه مدرب غير كفء

* فوز الاهلى بكل البطولات المحلية و الافريقية و الكونية

6 فوز فرنسا بكأس اوربا و كرواتيا مفاجأة البطولة

7 ملحن معروف ينتج شريط بصوته ع غرار كاريكا و عمرو مصطفى
8 عمرو دياب يترك روتانا و ينشئ شركة خاصة به
9 انغام تصالح جمهورها بألبوم جديد

رجل و مرأة

المرأة : ايه اكثر حاجة بتحبها فى الدنيا ؟
الرجل : أنت
الرجل ( يتابع ) : طيب و إنتى ؟ ايه أكثر حاجة بتحبيها ؟
المرأة ( تفكر لحظة ) : أنا

2001:space Odysseyٍ

حتى لحظة كتابة هذه السطور لم أشاهد الفيلم برغم من اننى من عشاق ستانلى كويبريك الا ان الحظ لم يحالفنى حتى الان
كنت قد قرأت الرواية مترجمة فى سلسلة روايات مصرية للجيب لد.أحمد خالد توفيق الغنى عن التعريف الرواية شيقة و مثيرة جدا تبدأ من عصور ما قبل التاريخ و كيف كان يعيش الانسان قبل تعلم الصيد حتى عصر مابعد غزو الفضاء حيث العيش فوق القمرو السفر الى زحل شيئا بديهى فى عام 2001 ( الرواية كتبت عام 1968 ) الأهم من ذلك هو الانسان ( الرائد بول ) و هو يتنقل عبر اثير الفضاء ليرى كم ان الانسان ضئيل فى بحار هذا الكون و صعوده و تحوله الى طيف كونى اسمى من هموم البشر على كوكب التافهين المدعو الأرض

فى شقة مصر الجديدة

مازال محمد خان قادراً على ان يمتعننا - مخرج يحكى لك الحكاية فى سلاسة متناهية و يمتعك لانه يدرك ان السينما فن قبل ان تكون صناعة
مخرج يهتم بأدق التفاصيل ( كوب القهوة - خط الموبايل و غيرها ) و لا يترك منها واحدة خارج اطار الحكاية فقط عندما يتبادر الى ذهنك سؤال عن تفصيلة ما تجد الاجابة فى اللقطة التالية لسؤالك
مخرج يحترم عقلك و لا يترك شيئا يندرج تحت شعار " المخرج عايز كدة " لا ابدا كل شئ محكوم و منسوج بدقة

"فى شقة مصر الجديدة " هو اخر افلام هذا الفنان و الذى يحمل رقم 21 فى مسيرته الفنية

الفيلم تدور احداثه فى جو لطيف تنسى خلاله كل همومك و تتفاعل مع البطلة اثناء بحثها عن ابلة تهانى صديقاتها بالمراسلة و مدرستها فى الصغر التى اقنعتها بأن الحب الحقيقى هو الحب الذى تجد فيه النصف الاخر و المتطابق مع روحك فى زمن اصبح الزواج فيه لمجرد الزواج فقط و ربما يأتى الحب بعد ذلك و ربما لا و فى خلال بحثها ينسج لنا حكايات اخرى فى نسيج محكم يطل به على العديد من الاجتماعيات ( عم عيد سائق التاكسى _ ولادة فى محطة مصر - بيت للمغتربات و ما يحدث داخله )

هذا الفيلم اعتبره من اوائل الافلام العربية الجادة و التى تندرج تحت طابع الرومانسية الكوميدية romance comedy

غادة عادل ادت دورها باقتدار فى دور الفتاة البسيطة المؤمنة بالحب و لا اعتقد ان غيرها كان سيؤدى مثل اداءها اما خالد ابو النجا فكان عاديا مثله مثل باقى ادواره لا اجد اختلافا بينها اما احمد راتب برغم ظهوره فى لقطات قليلة الا انه اثر فى شخصيا و مازلت حتى الان افكر فى الشخصية التى اداها

الترالير ظلم الفيلم كثيرا فانا اعتبره من اسخف الاعلانات التى رايتها هذا العام و الفيلم به اشياء مختلفة و كثيرة عن مجرد التساؤل حب و لا عفاريت

النهاية جاءت مختلفة فليست التقليدية و زواج البطل و البطلة و لكنها فى نفس الوقت مفتوحة و جميلة و تجبرك على الابتسام

موسيقى تامر كروان مازلت معبرة و اعجبنى كثيرا كيفية استخدام صوت القطار

لا اعرف ان كانت الشركة المنتجة ستقوم باصدار ساوندتراك للفيلم ام لا لكن الاغانى المستخدمة فى الفيلم تستحق ان تجمع فى البوم و ربما افعلها اذا اسعفتنى الذاكرة

الأمنية المستحيلة

أمنيتى المستحيلة , أن أمنح فرصة أخرى للعيش , أن أولد من جديد لكن فى ظروف مغايرة , أجيء مزودا بتلك المعارف التى أكتسبها من وجودي الأول الموشك على النفاذ , أولد وأنا أعلم إن تلك النار تلسع , وهذا الماء يغرق فيه من لا يتقن العوم , وتلك النظرة تعني الود , وتلك التحذير , وتلك تنبىء عن ضغينة .
كم من أوقات أنفقتها لأدرك البديهيات , ومازلت أتهجى بعض مفردات الأبجدية

جمال الغيطانى

حين مسخرة

يعتذر خالد يوسف فى نهاية فيلمه حين ميسرة عن عدم قدرته ع نقل الواقع بشكل كامل للفيلم ليس لأن الفيلم مبالغ فيه بل لأن الواقع أكثر قسوة و هو ما سيختلف معه الكثير من الجمهور الذى اغلبه يعيش فى مصر بتاعتهم ( راجع كتابات بلال فضل ) و الذى لا يدرى بأن هناك أناس تنام من غير اكل و انهم يتسوقون من مقالب القمامة و يعيشون فى عشش و ان هناك اطفال شوارع من الاصل

فئة قليلة هى من ستستوعب و تتأثر بالكامل بتلك الشحنة الواقعية جدا الغارقة فى هموم البلد
يبدأ الفيلم فى مقدمات العشوائيات لنعرف اننا سنعيش طوال ساعتان فى تلك المناطق التى تشكل نسبة كبيرة من مصر بتاعتنا و مثل القصص القصيرة ندخل على الابطال فورا و بايقاع سريع عليك ان تكتشف من هم و ما هى صلاتهم ببعض و ان كان بعد ذلك ستركز على ما يعانوه بغض النظر عن من هم ...فالاحداث هى البطل و ليس عادل حشيشة أو من حوله
عمرو عبد الجليل يكشف عن مواهب مدفونة فهو كان فاكهة الفيلم و استطاع ان يضحك الجمهور برغم من كمية الغم الهائلة التىذكرنا بها يوسف - وان كان بكانى فى لقطة ( احنا طول عمرنا مش باينين لا للحكومة و لا لأى حد )
مشهد النزاع حول غوايش الأم أدته هالة فاخر بعبقرية منقطعة النظير
أين كانت تلك الممثلة _ بالله عليك مش حاجة تجن لما دى تبقى صف تانى لعديمى الموهبة من امثال الهام شاهين و نادية الجندى فقط لانهم يعرضون لحما أكثر :(


فى لقطة اعتقد كتير مخدش باله منها ساعة القمة العربية لما كان الشاب اللى لسه راجع من العراق و معاه القرد قاع بيتفرج و كل شوية يبص للقرد يمكن يكون فاهم حاجة
جامدة مووت من خالد يوسف وتلميح من الصعب انه يتلقط ام ان ده مجرد صدفة و انا بتوهم


تقطيع الرقصة مع التعذيب او فلنسمها رقصة التعذيب كالنت هايلة خصوصا مع الموسيقى و حركات جسم كل من سمية الخشاب و اسرة عادل ..قد ايه فى انحدار سواء كان للفقر او لفسق الاغنياء

الفيلم به الكثير من الاباحية و الالفاظ الخارجة كما لو ان خالد يخرج لسانه لمن يدعى السينما النظيفة و يقول ان الواقع ليس نظيف حتى نغسله قبل تقديمه ع الشاشة

رسالة للمونتير : لم يكن هناك كوبرى ستانلى فى 1993 و التوك توك ددخل مصر فى 2006 مش فى 2003
عائلة رضا ( الاخوات البنات ) تم تغيير سنهم فى مشهد و بعدين رجعم تانى لنفس السن فى المشاهد التالية !


خالد يوسف فعلا مخرج متميز جدا و من هذا الفيلم اصبحت من المعجبين به بعد ان كنت غاضب عنه لنهاية ويجا الهزيلة و ضع فالفيلم بشكل عام ........وجدت مخرج اخر فى حين ميسرة

النهاية كانت مفتوحة فى انتظار رد فعل المشاهد لما شاهده فالحل يكمن فى يديك وليس عند المخرج

الألماني علي حق

الألماني علي حق في خوفه علي تمثال نفرتيتي في مصر

بقلم سمير فريد
١/١٢/٢٠٠٧

قال طاغور يوماً أحب الهند وأحب الحقيقة ولكني أحب الحقيقة أكثر مما أحب الهند، وحباً في الحقيقة ومصر معاً أري أن مدير المتحف الذي يضم تمثال نفرتيتي في ألمانيا علي حق في خوفه علي التمثال إذا وافق علي إعادته لمصر في مطلع القرن الـ٢١ الميلادي.

أضم صوتي إلي صوته وأخاف علي تمثال نفرتيتي من أن يوجد في بلدي الذي تركته دولة بلدي يتحول إلي أرض مستباحة للمتطرفين الإسلاميين سواء عن غفلة أو تواطؤ أو اتفاق مباشر أو ضمني لأغراض ما.. أخاف لأن مسعفاً رفض إسعاف امرأة أصيبت في الطريق العام لأنها «غريبة» عليه ولا يستطيع أن يلمس امرأة غريبة. أخاف لأن عروساً رفضت عرض عريسها لقضاء شهر العسل في الأقصر حيث توجد معابد الكفر وتماثيل المساخيط حسب تعبيرها. أخاف لأن الإعلان عن البيرة الألمانية بالإنجليزية في مطار القاهرة يقول اشربها إذا كانت ضرورية. أخاف لأن مستشفيات الدولة توافق علي وجود ممرضات منتقبات، وجامعات الدولة توافق علي وجود طالبات منتقبات. أخاف لأن شرطة الدولة تعجز عن منع الشعارات والصور الدينية الإسلامية والقبطية من أن تلصق علي السيارات، وتعجز عن منع مكبرات الصوت في الأفراح والمآتم والمساجد. أخاف لأن الغش أصبح القاعدة من الغش في الطعام حتي الغش في الأدوية.

مصر عملياً في قبضة طالبان من نوع يفوق طالبان الأفغان، وتصبح معه السعودية ودول الخليج من الدول «المتحررة»، كما كانت مصر حتي ثلاثة عقود فقط، وكأن «الفتح» الإسلامي تم منذ ثلاثين سنة، وليس منذ أكثر من ألف وأربعمائة سنة، وكأن أجدادنا لم يكونوا مسلمين، وأتحدث كمسلم، وأدافع عن أبي وأمي رحمهما الله سبحانه وتعالي، فقد عاشا وماتا مثل كل المصريين المسلمين، يصليان من دون مكبرات الصوت، ويعرفان الاحتشام في الأزياء من دون حجاب ولا نقاب.

أخاف علي تمثال نفرتيتي في بلد فاز كاتبه الأعظم نجيب محفوظ بأعظم جوائز الأدب في العالم عام ١٩٨٨، وكان رد فعل مصر طالبان طعنة من مصري طالباني أفقدته القدرة علي الكتابة حتي وفاته العام الماضي. أخاف علي تمثال نفرتيتي، بل وأخاف علي المتحف الجديد المسمي بالكبير إذا ظلت الدولة المصرية عاجزة عن مقاومة التطرف الديني الإسلامي علي هذا النحو، فهي تتحول إلي دولة دينية فعلياً، والدولة الدينية كما أثبت التاريخ لا تخدم الدين، أي دين، ولا تفيد الوطن، أي وطن.

الدولة في أبسط مظاهرها تمنح التراخيص، فلماذا ترخص لفندق باسم مكة ومقلة لب باسم الحرم ومحل لبيع الملابس باسم التوحيد والنور وقنوات تليفزيونية تتحدث باسم الله وتقول إنها تملك مفاتيح الجنة. أخاف علي تمثال نفرتيتي، أخاف علي مصر وعلي الدين الإسلامي.

ساوندتراك" فى شقة مصر الجديدة

اغنية الفيلم
يا مسافر بورسعيد شادية @
امانة عليك يا ليل طول
انا قلبى دليلى
فات الميعاد
يا مسافر وحدك @
سحر عيونه
روحى يا روحى @
اغنية لعبد الحليم
ليلى مراد
my all mariagh carry

اياك تركب قطر درجة تانية فى مصر

عايز افتكر ان ما اركبش قطار مراكز تانى
بحكم عملى فانا اسافر الى القاهرة اسبوعيا و عشان اوصل هنام ع الساعة 10 لازم اركب توربينى 7 من سيدى جلبر او قطر ستة و نص من كفر الدوار
النهاردة وللأسف الشديد قررت ان انا اركب قطر 6 و نص رغبة فى التوفير بكل صراحة لانى العملية قشفرت و بقت نحس و خاصة انى ركبته فى رمضان و مكانش بالشئ السئ
للاسف النهاردة كان ميعاد امتحان ميدترم تقريبا لشباب المعاهد العلية و المتوسطة طبعا كانت العربية فيها م لا يقل عن 400 بنىءادم فوق بعض يكفى ان انا من اول كفر الداور لحد بنها كنت بتعرض لعملية تحرش واسعة النطاق سواء من البت اللى كانت لازقة فيا فى وضع مثالى يستاهل يطلع فى افلام شركة برايفت و المصيبة لما جه الكمسارى عشان التذاكرو الهانم اتديرت عشان تطلع الفلوس كدة بقت وضع تانى و شوت تانى و صور يا معلم
بعد كدة بشوية اتنين اتعاركو مع بعض لكن ع طريقة اخونا جورج لوكاس كانت حرب النجوم لانهم كانو بيتعاركو من فوق الكراسى و كل واحد واخد لمبة فلورسنت عشان يضرب بيها التانى الا انهم ما نوروش طبعا اتكسرو فوق دماغنا و واحد منهم خر دم و نزله ع كم القميص الجوتشى الجديد بتاعى و ربنا يستر وا لبقعة تطلع و ما تلزقش و الفضل لبرسيل

أول حاجة

بلوجر
كلاكيت مش فاكر كام مرة
كل شوية ابدأ فى بلوجر و بعدين امسحها
لعل ذلك لاضطرب الشخصية الذى اعانيه
لعل حظ هذه المدونة يكون أفضل من سابقاتها